ბათუმის მერიაში 2019 წლის ბიუჯეტის პროექტისა და პრიორიტეტული მიმართულებების საჯარო განხილვა დასრულდა.
პრიორიტეტული მიმართულებების მიხედვით, სულ 3 შეხვედრა გაიმართა. ბოლო შეხვედრაზე ჯანმრთელობის დაცვისა და სოციალური უზრუნველყოფის მიმართულებით განსახორციელებელი პროგრამები განიხილეს. პროგრამების შესახებ პრეზენტაცია საზოგადოებას ჯანმრთელობისა და სოციალური დაცვის პოლიტიკის განყოფილების უფროსმა მარინა რუხაძემ წარუდგინა.
წარმოდგენილი პროექტის შესაბამისად, 2019 წლისთვის ჯანმრთელობისა და სოციალური დაცვის მიმართულებით 16,056.5 ლარის გათვალისწინება იგეგმება.
განხილვის შემდეგ დაისვა შეკითხვები კონკრეტული ქვეპროგრამების შესახებ და გამოითქვა მოსაზრებები წარმოდგენილ პროექტთან დაკავშირებით.
შეხვედრას ადმინისტრაციულ ერთეულებში მერის წარმომადგენლები, ასევე, ბინათმესაკუთრეთა ამხანაგობები, არასამთავრობო სექტორი, საკრებულოს წევები და სხვა დაინტერესებული პირები ესწრებოდნენ.
ამ შეხვედრით მერიამ დაასრულა ქ. ბათუმის მუნიციპალიტეტის 2019 წლის ბიუჯეტის პრიორიტეტების განხილვა, რის შემდეგაც ბიუჯეტის პროექტი განსახილველად საკრებულოს გადაეგზავნა.
