26 აპრილს, ბათუმის საკრებულოში, ქალაქ ბათუმის მუნიციპალიტეტის 2016 წლის ბიუჯეტის შესრულების ანგარიშის საჯარო განხილვა გაიმართა.
ბიუჯეტის შესრულების ანგარიში საზოგადოებას ბათუმის მერიის საფინანსო-ეკონომიკური სამსახურის უფროსის მოადგილემ წარუდგინა. არჩილ ვანაძის ინფორმაციით, გასული წლის ბიუჯეტის შესრულების მაჩვენებელი 88 პროცენტს შეადგენს, მათ შორის, პრიორიტეტების მიხედვით, განათლების სფეროში შესრულდა 95,4 პროცენტით, მოსახლეობის ჯანმრთელობისა და სოციალური უზრუნველყოფის დაცვის სფეროში - 94,9 პროცენტით, ინფრასტრუქტურულ ნაწილში - 88,2 პროცენტით.
ქალაქ ბათუმის მუნიციპალიტეტის 2016 წლის ბიუჯეტის შესრულების ანგარიში დასამტკიცებლად ბათუმის საკრებულოს 28 აპრილს, საკრებულოს სხდომაზე წარედგინება.
საჯარო განხილვას არასამთავრობო სექტორის წარმომადგენლები და საზოგადოების წარმოადგენლები ესწრებოდნენ.
