5 მაისს, ბათუმის დემოკრატიული ჩართულობის ცენტრში, საინფორმაციო შეხვედრა-ინტეგრირებული მდგრადი სატრანსპორტო სისტემების განვითარება ბათუმსა და აჭარის რეგიონში-გაიმართა,რომელსაც ესწრებოდნენ ბათუმის საკრებულოსთან არსებული სამოქალაქო მრჩეველთა საბჭოს წევრები და საზოგადოებრივი ორგანიზაციის წარმომადგენლები. შეხვედრაზე წარმოდგენილი იქნა პროექტი, რომლის მიზანია ქალაქის მდგრადი და ინტეგრირებული მუნიციპალური სატრანსპორტო სისტემების განვითარება, კერძოდ, ბათუმის სატრანსპორტო სისტემის კვლევა და სატრანსპორტო მოდელის შემუშავება; აგრეთვე ჭავჭავაძისა და გორგილაძის ქუჩების სადემონსტრაციო მდგრადი ურბანული ტრანსპორტის საპილოტე ღონისძიებების და სქემების შემუშავება; საზოგადოებრივი ტრანსპორტის ოპტიმიზაციის გეგმა; პარკირების ახალი პოლიტიკა და სტრატეგია;ელექტრონული ტაქსის სისტემის მიზანშეწონილობის კვლევა; ველოსისტემის ოპტიმიზაციის გეგმა და ბათუმის ინტეგრირებული მდგრადი ურბანული მობილობის გრძელვადიანი სტრატეგია და სამოქმედო გეგმა.
შეხვედრაზე დამსწრე სამოქალაქო საბჭოს წევრების მიერ დასმული იქნა კითხვები და აგრეთვე განხილული იქნა არსებული პრობლემები ადმინისტრაციული ერთეულების მიხედვით.
