ბათუმის მუნიციპალიტეტის საკრებულოსთან არსებობს სათათბირო-საკონსულტაციო ორგანო - სამოქალაქო მრჩეველთა საბჭო, რომლიც შედგება 19 წევრისაგან და არჩევიან 2 წლის ვადით. საბჭოს არსებულ შემადგენლობას ამოეწურა უფლებამოსილების ვადა და 1 აპრილამდე უნდა მოხდეს ახალი წევრების არჩევა/წარდგენა.
სამოქალაქო საზოგადოების ინსტიტუტის ფილიალი, როგორც საკრებულოსთან არსებული სამოქალაქო მრჩეველთა საბჭოს სპიკერი ორგანიზაცია, 30 მარტს 17:00 საათზე ბათუმის დემოკრატიული ჩართულობის ცენტრში გამართავს შეხვედრას ბათუმში არსებულ საზოგადოებრივ ორგანიზაციებთან სადაც მოხდება სექტორიდან ორი წარმომადგენლის არჩევა.
