ბათუმის მუნიციპალიტეტის საკრებულოს ჯანმრთელობის და სოციალურ საკითხთა კომისიის სხდომაზე კომისიის წევრებმა ბათუმის 2021 წლის ბიუჯეტის პროექტით ჯანდაცვის მიმართულებით გათვალისწინებული საკითხები განიხილეს.
ბიუჯეტის პროექტის მიხედვით, ბათუმის მერია მოსახლეობის ჯანმრთელობის დაცვასა და სოციალური უზრუნველყოფას 2021 წელს ჯამში 15 572 200 ლარს მოახმარს. პროგრამები და ქვეპროგრამები ჯანმრთელობის დაცვის, სოციალური უზრუნველყოფისა და სანიტარული ზედამხედველობის და ეპიდსიტუაციების მართვის მიართულებით შემუშავებულია მოსახლეობის ჯანმრთელობისა და სოციალური მდგომარეობის გაუმჯობესების, ავადობის პრევენციის, ჯანმრთელობის დაცვისა და კომუნალურ სერვისებზე ხელმისაწვდომობის გაზრდის მიზნით.
მოქმედი კანონმდებლობის შესაბამისად, საკრებულომ კომისიების შემაჯამებელი დასკვნა შენიშვნებითურთ ბათუმის მერს 25 ნოემბრამდე უნდა გადაუგზავნოს.
