16 დეკემბერს, ბათუმის დემოკრატიული ჩართულობის ცენტრში, სამოქალაქო საზოგადოების ინსტიტუტის ინიციატივით, საზოგადოებრივი დარბაზების თავმჯდომარეებისთვის ბათუმის 2015 წლის ბიუჯეტის განხილვა გაიმართა. ბათუმის მერიის ფინანსური განყოფილების წარმომადგენელმა, აღნიშნულ აუდიტორიას დაწვრილებით განუმარტა ბიუჯეტში არსებული თითოეული ლარის გახარჯვის მიზნობრიობა. ბიუჯეტის პრეზენტაციის შემდეგ მოქალაქეებმა თავიანთი აზრი დააფიქსირეს . ასევე, საზოგადოებრივი დარბაზის თავმჯდომარეებმა, თანამდებობრივი ვალდებულების ფარგლებში, ბიუჯეტის შესახებ ინფორმაცია უნდა მიაწოდონ დარბაზის წევრებს. მათთან თათბირის შემდეგ კი, ტერიტორიული ერთეულების მიხედვით უნდა წარმოადგინონ პრობლემები და იმ შემთხვევაში თუ არსებული პრობლემის გადაჭრა არ არის ასახული ქალაქის ბიუჯეტში, სამოქალაქო მრჩეველთა საბჭოს სახელით, რეკომენდაციის სახით მიმართოს ბათუმის საკრებულოს.
